1-æм мартъийæ фæстæмæ Уæрæсейы фæзындзæн ног фæндаггон нысан «Фотовидеофиксация», зæгъгæ

1-æм мартъийæ фæстæмæ Уæрæсейы фæзындзæн ног фæндаггон нысан «Фотовидеофиксация», зæгъгæ. Шофырты зæрдыл лæууын кæндзæн, фæндаггон уагхæлдтытæ камерæмæ ист кæй цæуынц, уый. Хицауады уынаффæмæ гæсгæ, фæндаггон нысантæ æвæрдзысты, камерæтæ кæм лæууынц, уымæй 150-300 метры раздæр. Ахæм нысантæ фенæн уыдзæн хъæутæм æмæ горæттæм бацæуæнты дæр. Бафтаудзыстæм ма уый, æмæ иварты 85% ивгъуыд азы 5 мæймæ сбæрæг кодтой камерæты фæрцы. 2019-æм азы та Цæгат Ирыстон бахауд, камерæты нымæц хуыздæрырдæм кæм ахады фæндаггон уавæрыл, уыцы регионты сæрмагонд хыгъдмæ. Сæ ахадындзинад сын сбæрæг кодтой паддзахадон корпорацитæ «Ростех» æмæ «Глонасс». 2024-æм азмæ «Æдас æмæ хæрзхъæд фæндæгты» программæйы фæлгæты ма республикæйы уæлæмхасæн сæвæрдзысты ноджы 85 камерæйы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv