Хуссар æмæ Цæгат Кавказы федералон зылдты архивон службæйы кусджытæ форумы архайынц

Архивы службæйы кусджытæ архайынц наукон-методикон форумы Цæгат Ирыстоны. Мадзал у æрвылазон. Ныр дæр дзы архайы Уæрæсейы регионтæй 100 адæймагæй фылдæр. Мадзалы сæйраг нысан – къабазы куыст фæхуыздæр кæнын. Æртæ боны дæргъы специалисттæ райсдзысты ног зонындзинæдтæ нырыккон домæнтæм гæсгæ кусынæн. Цæгат Ирыстон суазæг кодта Хуссары æмæ Цæгат-Кавказы федералон зылдты архивон кусджыты. Фембæлды сæйраг нысан – архивон документтимæ нырыккон домæнтæм гæсгæ кусын, уыимæ ма сæ нымæцон хуызмæ ракæныны фарстатыл æрдзурын. Ахсджиаг ма у паддзахадон æмæ муниципалон архивты информаци бахъахъхъæнын дæр. Советы куысты бацархайдта нæ бæстæйы Федералон архивон агентады разамонæг Андрей Артизов дæр. Архайджыты ‘хсæн - Санкт-Петербурджы, Волгограды, Хъырымы æмæ Севастополы минæвæрттæ дæр. Ахæм форумтæ архивон кусджытæ саразынц æрвылаз. Сæ фæрцы иумæйагæй ссарыц дзуаппытæ, ныридæгæн сæм цы райхалинаг фарстатæ ис, уыдонæн. Ныр дæр специалисттæ баххуыс кодтой æппæт хъæугæ информацийæ. Уазджытæ куыд фæнысан кодтой, афтæмæй фембæлд рауади пайдайаг. Æмбырды куысты бацархайдта нæ республикæйы парламенты сæрдар Алексей Мачнев дæр. Йæ раныхасы куыд фæнысан кодта, афтæмæй архивон куысты авналæнтæ, цыфæнды куысты куыл у, афтæ ам дæр æппынæдзух хъæуы уæрæх кæнын. Уый тыххæй архивон технологиты райрæзтæн хъæуы ног бæстыхай. Кæронбæтæны нæ республикæйы архивы къабазы кусджыты сæ æнтыстджын куысты тыххæй схорзæхджын кодтой Федералон архивон агентады кады нысæнттæй. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv