Дзæуджыхъæуы электроникæйы колледжы студент Габысты Руслан рацыд «Æрыгон дæсныты» чемпионаты финалмæ

«Æрыгон дæсныты» æппæтуæрæсеон чемпионат студенттæн фадат дæтты сæ курдиæттæ раргом кæнын. Фæсивæд сæ тыхтæ æвзарынц хуыздæры ном райсыныл. Се 'хсæн Габысаты Руслан дæр. Уый рацыд чемпионат «Worldskills»-ы финалмæ компетенци «Веб-дизайн и разработка»-йы. Финалы архайдзæн 12 адæймаджы нæ бæстæйы алы регионтæй. Уæлахиздзау Уæрæсейы номæй архайдзæн æппæтадæмон конкурсы. Бæлвырддæр нæ дарддæры æрмæджы. Габысаты Руслан комьютертæ рагæй уарзы. Уыимæ æрмæст хъæзтытæ нæ, фæлæ ма ахуыр кодта программæтæ дæр. Рæстæг куыд цыд, афтæ йæ æмбæрста ацы къабазы йæхи бафæлварын кæй фæнды, уый. Ахуыр кæнынмæ бацыд Дзæуджыхъæуы электроникæйы колледжмæ. Руслан йæхæдæг куыд зæгъы, афтæмæй йæ æвзæрст дæсныйадыл фæсмон нæ кæны, бирæ ногдзинæдтæ базыдта. Ацы аз ахуыр фæуыдзæн, ныртæккæ цæттæ кæны дипломон куыст. Русланы къухы ныридæгæн бирæ æнтыстдзинæдтæ бафтыд. Бахауд «Æрыгон дæсныты» æппæтуæрæсеон чемпионаты къæпхæнмæ. Раззагдæр сси «Веб-дизайн и разработка», зæгъгæ, компетенции. Цæгат Кавказы 21 азы онг студентты 'хсæн æй банымадтой хуыздæрыл. Финалы Руслан тох кæндзæн нæ бæстæйы алы къуымтæй 12 æрыгон адæймагимæ. Дарддæр уæлахиздзау Уæрæсейы номæй архайдзæн æппæадæмон конкурсы. Электроникæйы колледжы студенттæ æрвылаз фæархайынц WorldSkills æмæ æндæр федералон конкурсты. Фæлæ Русланы æнтыстдзинад нырма никæй къухы бафтыд. Колледжы куыд зæгъынц, афтæмæй ахуыргæнæндоны уæлахизтæ разæй сты. Колледж йæ райрæзтыл архайы. Абоны бонмæ дзы ахуыр кæны 585 студенты 5 дæсныйадмæ гæсгæ. Ныртæккæ веб-дизайнеры дæсныйад хъæугæ у. Зæгъæн ис, æмæ ацы къабаз у Электроникæйы колледжы фидӕн. Ӕнтыстджынæй дзы цæттæ кæнынц IT-специалистты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv