Къæмынтæйы сбæрæг кодтой Уæрæсейы Федерацийы бон

Нæ бæстæйы цæрджытæ абон сбæрæг кодтой æппæты ахсджиагдæр бæрæгбæттæй иу - Уæрæсейы бон. Бæрæгбон снысан кодтой иудзинадæн æмæ Уæрæсейы цæрæг адæмыхæттыты хæлардзинадæн. Куыд ацыд бæрæгбон республикæйы хæххон хъæутæй иу - Къæмынтæйы. Уæрæсе Цæгат Ирыстоны историйы арф фæд кæй ныууагъта, уый дызæрдыккаг нæу. Уый хъуыды кæнгæйæ, абон, Æрæфы районы аивады кусджытæ сæ хæсыл банымадтой нæ республикæйы бæрзонддæр ран цы хъæу ис, уырдæм ссæуын. Кæд ныртæккæ адæм коронавирусы низимæ тох кæныц, уæддæр Цыколайы культурæйы кусджытæ æрвылмæй аразынц алыхуызон мадзæлттæ. Уыдонæй иу Уæрæсейы Федерацийы бæрæгбонмæ цы цымыдисаг акци арæзт æрцыд, уый. Акцийы хъуыды фæзынд Цыколайы аивадон æмæ бынæттон аминистрацийы кусджытæм. Цæттæ йæм кодтой цалдæр къуырийы дæргъы. Цыколайы культурæйы хæдзары ансамблы разамонæг нын куыд радзырдта, афтæмæй репетицитæ цыдысты онлайн-хуызы. Цæрджытæ кæдфæндыдæр зæрдæргъæвдæй бацархайынц ахæм мадзæлтты, зæгъы Æрæфы районы культурæйы галуаны директор Гъуцъунаты Ацæмæз. Тырысатæй уæлдай ма Цыколайы цæрджытæ Къæмынтæйы сарæзтой чысыл концертон программæ дæр. Ахæм мадзæттæ арæзт æрцыдысты нæ бæстæйы алы рæтты. Зæгъæм, Сочийы ирон диаспорæйы минæвæрттæ скодтой æртæ чъирийы æмæ сæ радтой бынæттон рынчындоны медицинон кусджытæн. Æрвылаз, Сочийы, 12 июны, бацæттæ кæнынц бирæ алыхуызон мадзæлттæ. Къутæрты Аидæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv