Суададжы цæрджыты хæдзæртты та ногæй нуазыны дон рацыд

Алагиры районы прокуратурæ сбæрæг кодта Суададжы цæрджытæн нуазыны дон дæттыны фæтк. Куыд ма хъусын кодтам, афтæмæй сæм къуырийæ фылдæр нæ цыд. Прокуратурæ аххосджынты бафхæрыны тыххæй куы сдзырдта, уæд дон дæр ракалд. Фæлæ уæддæр закъонмæ цæстдарæг кусæндон сбæлвырд кæндзæн дондзæуæнты уавæр. Нуазыны дон адæмæн дæттыны хъуыддагмæ абон æркастысты цæрæнуæтты коммуналон хæдзарад, артаг æмæ энергетикæйы министрады æмбырды дæр. Амыдта йæ хицауады сæрдары хæдивæг Фадзайты Æхсарбег. Дзуаппдæттæг министр куыд фехъусын кодта, афтæмæй Алагиры районы специалисттæ агуырдтой уæлæмхасæн донгуырæнтæ. Сæ хатдзæгтæм гæсгæ дзы хъæуы ногтæ саразын «Лæц-1» æмæ «Лæц-2». Афтæмæй адæм донцух нал уыдзысты. Куы скусой, уæд Хуссайраг донцъирæн суыдзæн уæлæмхасæн. Ныртæккæ уал специалисттæ кусынц проектыл. Бавдисын æй хъæудзæн Мæскуыйы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv