Цæгат Ирыстоны коронавирусæй рынчынтыл бафтыд 77 адæймаджы

Райдайдзыстæм коронавирусæй рынчынты тыххæй æрвылбоны бæрæггæнæнтæй. Ивгъуыд суткæмæ коронавирусæй рынчынтыл бафтыд 77 адæймаджы. Æдæппæтæй сæ нымæц сси 13 мины æмæ 743. Æнæниздзинад хъахъхъæныны министрады хъусынгæнинагмæ гæсгæ, республикæйы дзæбæхгæнæндæтты ис 1 138 адæймаджы. Уыдонæй Тагъд Æххуысы Клиникон Рынчындоны 550, COVID-имæ - 251-йæ. Реанимацийы æххуыс хъæуы 40 адæймаджы, аппараты фæрцы улæфынц 11-æй. Республикон Клиникон Рынчындоны та ныртæккæ ис 537 адæймаджы. Коронавирус дзы рабæрæг 103-æй. Реанимацийы хайады ис 72 рынчыны. Аппараты фæрцы дзы улæфынц 36-æй. Сывæллæтты Республикон Клиникон рынчындоны ис 26 сывæллоны, 9 та сты хистæр кары. COVID дзы рабæрæг 15 сабимæ æмæ 6 хистæрмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv