Дыккаг сывæллоны райгуырды фæдыл фиддонтæ фыст цæудзысты бæлвырд фæткмæ гæсгæ

Дыккаг сывæллоны райгуырды фæдыл фиддонтæ фыст цæудзысты афойнадыл æмæ сæхи æгъдауæй. Цæгат Ирыстоны Пенсион фонды хайад хъусын кæны, 7-æм ноябрæй йæ тыхы кæй бацыд федералон закъон, мадæлон капитал адарддæр кæныны фæдыл. Сæххæст кæнæн æй уыдзæн æнæ сæрмагонд гæххæттытæ бадæтгæйæ. Уый фæдыл Пенсион фондмæ цæуын нал хъæудзæн. Ӕрвылмæйы фиддонтæ райсын æмбæлы уыцы ныййарджытæн, 2018 азы 1-ӕм январæй фæстæмæ дыккаг сывæллон кæмæн райгуырд, уыдонæн. Фиддонтæ фыст цæудзысты, цалынмæ сывæллоныл æртæ азы нæ сæххæст уа, уæдмæ. Уыимæ, алы бинойнаджы æфтиаг фæцæрынæн æппынкъаддæры æхцайы бæрцæй дыууæ хатты фылдæр хъуамæ ма уа. Цæгат Ирыстоны 2020 азы алы хицæн бинойнаджы æфтиаг у 20 мин 866 сомы. Ӕфтиæгты тыххæй бæрæггæнæнтæ сæрмагонд уагдæттæм æрвыст æрцæуынц фæстаг 12 мæйæн. Афтæмæй Цæгат Ирыстоны æрвылмæйы фиддонты бæрц 2020 азы рауад 10 мины 87 сомы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv