Хъалонтæн каникултæ

Коронавирусы аххосæй йæ куыст кæмæн фæцудыдта, уыцы амалхъом адæмæн хъалон нæфидыны бар ноджы æртæ мæймæ аргъæвын. Ахæм хъæппæрис бахаста Уæрæсейы хицауад. Уыцы фæндон хауы компанитæм дæр. Премьер-министр Михаил Мишустины ныхæстæм гæсгæ, чысыл æмæ рæстæмбис бизнесæн уалдзæджы лæвæрд æрцыд ахæм фадат афæдзы ’рдæгмæ. Нæ сæ хъуыд фидын фæдзæхстадон фиддонтæ дæр. Ныртæккæ дæр уавæр сæ хæрзтæй нæу. Уымæ гæсгæ Владимир Путин хицауадæн бабар кодта амалхъомадæн æххуысы мадзæлттыл бакусын. Ноджы æртæ мæймæ хъалонтæй суæгъд кæныны хъæппæрис дæр хицауадмæ раздæр бахаста Уæрæсейы президент. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv