Цæгат Ирыстоны наркоманийы профилактикæйæн араздзысты уæлæмхасæн профилактикон мадзæлттæ

Цæгат Ирыстоны арæхдæр араздзысты наркоманийы профилактикæйы мадзæлттæ. Уый тыххæй дзырдтой наркотикты ныхмæ къамисы æмбырды. Сæрдариуæг дзы кодта республикæйы разамонæг Битарты Вячеслав. Æмбырды райдиан фæнысан кодта, наркомани куыд дунейы, афтæ Уæрæсейы æмæ сæрмагондæй Цæгат Ирыстоны у риссаг фарста. Наркотикты æнæзакъон зилдухимæ тох кæнынц алы бæстæйы дæр. Наркотикты ныхмæ профилактикон системæйыл хъæуы бакусын. Уый уæлдай ахсджиаг у фæсивæд æмæ æнахъом сывæллæтты хъомыладон куысты. Дзырдтой ма æнæпаддзахадон куыстуæтты тыххæй. Хъæуы сæм лæмбынæгдæр кæсын. Ныхас цæуы социалон реабилитаци æмæ наркотиктæй чи пайда кæны уыдоны ногæй адæмы рæгъмæ ракæныныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv