Æрвылазон сывæллæтты нывты æркастæн хатдзæгтæ скодтой

«Сывæллæттæ - коррупцийы ныхмæ» æрвылазон нывты æркастæн хатдзæгтæ скодтой. Уæлахиздзауты кадджын уавæры схорзæхджын кодтой Хицауады хæдзары. Кады гæххæттытæ æмæ лæвæрттæ æрыгон нывгæнджытæн радта Цæгат Ирыстоны сæргълæууæджы цур коррупцийы ныхмæ разамынды сæрдар Черчесты Аслан. Управлени у конкурсӕн йӕ аразæг. Æркаст цæуы æртæ азы, скæнынц æй 2 къæпхæнмæ гæсгæ. Йæ сæйраг хæс - коррупцийы ныхмæ мадзæлттæ сахадын æмæ адæмы, уӕлдайдӕр æрыгон фæлтæры 'хсӕн, парахат кӕнын, æнæзакъон митæ раст кæй не сты, уыцы хъуыды. Уый фӕстӕ сывæллæтты нывтæ бакæнынц, рекламæ кæм вæййы, уыйы конструкцитыл. Ацы хатт къамис аргъ кодта 300 куыстæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv