Парады размæ вакцинаци

Хуссар Æфсæддон зылды дæлхайæдтæй Уæлахизы парады чи архайдзæн, уыцы службæгæнджытæ райдыдтой вакцинаци цæуын коронавирусы ныхмæ. Фыццаг уал прививкæтæ скодтой тырысахæсджыты къорды уæнгтæ. Куыд зонут, афтæмæй уыдон вæййынц парады разæй. Фæткмæ гæсгæ, æфсæддонтæ вакцинаци цæуынц барвæндонæй. Прививкæйы фæстæ сæм дохтыртæ сæ цæст фæдарынц. Цæмæй салдæттæ сæхи низæй бахъахъхъæной, уый тыххæй сæм æнхъæлмæ кæсынц Хуссар Æфсæддон зылды клиникон госпитæлы, стæй дæлхайæдты медицинон кусæндæтты. Ныридæгæн уал прививкæтæ скодтой 23 мин æфсæддоны, уыдонæй вакцинæйы дыууæ хайы дæр - 7 мин адæймаджы. Æмткæй райсгæйæ, æххæстæй дæр Æфсæддон зылды вакцинацийы мадзæлттæ кæронмæ ахæццæ уыдзысты ацы азы 1-æм мартъимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv