Цæгат Ирыстоны æххæст кæнынц программæ «Жильё для российской семьи»

Цæгат Ирыстоны æххæст кæнынц «Цæрæнуæттæ уæрæсейаг бинонтæн», зæгъгæ, программæ. Бацархайыны фадат дзы ис регионы цæрджытæн. Программæйы 'руаджы адæмæн сæ бон у цалцæггонд фатертæ базарадон аргъæй асламдæрæй балхæнын. 14 фондзуæладзыгон хæдзары æмæ 80 мин квадратон метры фæзуат. Фатертæ лæвæрд цæудзысты хъæугæ сантехникæ, цалцæггонд æмæ хицæн хъармгæнæн системæтæй ифтонгæй. Фæлæ сæйрагдæр та — сæ аргъ. Иу квадратон метр 40 мин сомæй. Цæрæнуæтты базарадон аргъимæ абаргæйæ, уый у 20 проценты къаддæр. Гæбæраты Кæринæ у программæ «Жильё для российской семьи»-йы архайæг. Сылгоймаг ныридæгæн равзæрста йæхицæн иуагъуыстон фатер. Сæрмагонд программæ сног кæнын бабар кодта Сергей Меняйло. Республикæйы донуадзæн хæтæлтæ, электрон тыхтæ æмæ газæй сифтонг кæныны хæс кæй райстой сæхимæ, уый фæрцы сæ æргътæ дæр хицæн кæнынц. Афтæмæй, цас къаддæр уой аразæджы хæрдзтæ, уыййас ныллæгдæр уыдзæн йæ аргъ дæр. Программæйы бацархайыны фадат ис паддзахадон службæгæнджытæн, сæ цæрæн уавæртæ хуыздæр хъуаг кæмæн сты, мадæлты капитал чи райста, йе 'нæнинздзинад хъыгдæрд кæмæн у, кæлæддзаг хæдзæртты чи цæры, уыдонæн. Программæйы куыд бацархæйæн ис, уый тыххæй бæлвырддæр базонæн ис Дзæуджыхъæуы бынæттон администрацийы дзуапдæттæг хайады. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv