Владимир Путин фембæлд РЦИ Аланийы сæргълæууæджы хæстæ рæстæгмæ æххæстгæнæг Сергей Меняйлоимæ

Уæрæсейы Президент Владимир Путин фембæлд Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйлоимæ. Кусæг фембæлды рæстæг ныхас цыд регионы социалон æмæ экономикон рæзты фарстатыл. Фыццаджыдæр, Сергей Меняйло фæнысан кодта Беслæны рæзты программæ. 2020 азы йæм Президенты уынаффæмæ гæсгæ бахастой ивддзинæдтæ. Хауынц æм 64 мадзалы. 4 дзы ныридæгæн баххæст кодтой. 40-æн дзы фæрæзтæ нæма рахай кодтой. Программæйыл куыст райдыдта терроризмы профилактикæ æмæ патриотон музейы арæзтадæй. 2022 азы йæ райдайдзысты аразын. Ныхас ма цыд республикæйы туризмы рæзтыл. Æххæст кæнын райдыдтой курорт «Мамысон»-ы проект. Кæронмæ йыл бакусынæн Цæгат Иырстоны хъæуы бахæссын федералон проект «Туризм и индустрия гостеприимства»-мæ. Йæ руаджы фæзындзæн ног кусæн бынæттæ, стæй туристон лæггæдты хæрзхъæддзинад фæуæлдæр кæнæн. Æрныхас ма кодтой регионы хъæууон хæдзарады рæзтыл. Сергей Меняйло куыд фæбæрæг кодта, афтæмæй дыргътæ æма валеры-кæсагимæ куыст æнтыстджынæй цæуы. Ныртæккæ республикæ Уæрæсейы базарад ифтонг кæны валер-кæсаджы 10 процентæй. Фидæны уыцы бæрæггæнæнтæ фæфылдæр кæнæн ис 30 проценты онг. Владимир Путин фæнысан кодта, æппæт хъуыддæгтæм дæр æргом æздæхт кæй цæудзæн. Фæлæ ахсджиагдæр та у, цæрджытæ æрвылбон цы фарстатимæ сæмбæлынц, уыдоныл бакусын. Фыццаджыдæр, доны фарста. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv