Скъолатæ «Диалог» æмæ «Интеллект» ы цы фарста сæвзæрд, уый лыггонд æрцыд

Ног ахуырадон азæй Дзæуджыхъæуы скъолатæ «Диалог» æмæ «Интеллект» райдайдзысты кусын 2 радæй - райсомæй æмæ сихорæй. Ахæм боны фæтк бацæттæ кæнын бахъуыд, ахуырадон уагдæттæм æввахс чи цæры, уыцы сывæллæтты фыццæгæм кълæстæм райсын кæй нæ бантыст, уый тыххæй. Сæйраг аххосæг та - бынæттæ. Зæгъæм, «Диалог» скъоламæ нæ райста 200 сывæллоны. Ам фæивта фыццæгæм къласмæ исыны уагæвæрд. Фыццаджыдæр исынц, ахургæнинæгты кæстæр хотæ æмæ æфсымæрты. Скъоламæ курдиæттæ цы ныййарджытæ балæвæрдтой, уыдоны зæрдæмæ ацы фæтк нæ фæцыд. Райхалинаг фарстыл æрдзырдтой Цæгат Ирыстоны сæргълæууæджы хæстæ рæстæгмæ æххæстгæнæджы æмбырды скъолаты директортæ Икъаты Бæла æмæ Гæлæуты Беллæимæ. Нæ республикæйы сæргълæууæг бауынаффæ кодта ацы фарст алыг кæнын. Хъуамæ скъолатæн сæ бон бауа райсын фыццæгæм къластæм æппæт сабиты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv