Республикæйы районты нывыл кæнынц æхсæнадон бынæттæ

Национ проект «Формирование комфортной городской среды»-йы фæлгæты нæ республикæйы районты нывыл кæнынц бирæ социалон объекттæ. Зæгъæм, Æрæфы районы Уæлахизы Парчы куыстытæ сты сæ тæмæны. Ныридæгæн дзы сифтонг кодтой рухсдæттæн системæ. Йæ алыварс сфидар кодтой быру. Адæм сæ рæстæг пайдаимæ кæм æрвитдзысты, ахæм бынат сæм фæзындзæн.  Цалцæггæнæн куыстытæ дардддæр цæуынц Цыколайы «Уæлахизы Парчы». Йæ фæзуат у 2 гектары. Национ проект «Формирование комфортной городской среды»-йы фæлгæты йын ацы аз рахай кодтой 9 милуан сомы. Куыстытæ райдыдтой цалдæр мæйы размæ. Ныридæгæн дзы сног кодтой рухсдæттæн системæ, къахвæндæгтыл байтыдтой асфальт. Иу ныхасæй, адæм сæ фæллад уадздзысты рæсугъд æмæ аив бынаты. Проектмæ гæсгæ ма ам фидæны сараздзысты сывæллæттæн хъазыны фæз, сифтонг æй кæндзысты спортивон - дзæбæхгæнæн кусæнгæрзтæй. Парчы бындур æвæрд æрцыд ивгъуыд æнусы, 80 азты. Æрæфы районы цæрджытæн ацы бынат у уарзон. Уæлахизы Парчы истори у цымыдисаг. Фыццаг бæлæстæ дзы ныссагътой Фыдыбæстæйы Стыр хæсты ветерантæ. Куыстытæ цæуынц Лескены дæр. Ам дæр сæрмагонд проектмæ гæсгæ цæттæ кæнынц сывæллæттæн хъазæн фæз . Куыстытæ хъуамæ фæуой ацы мæйы кæронмæ. Æхцайы фæрæзтæй йын рахай кодтой 3 милуан сомæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv