Хæдзæрттæ ног æууæлтæм гæсгæ аразыны амынддзинæдтыл æрдзырдтой æххæстгæнæн комитеты

Хæдзæрттæ ног домæнтæм гæсгæ аразын, цæмæй алы бæстыхайæ дæр алывæрсыгæй пайдагæнæн уа. Куысты ног амынддзинæдты тыххæй журналисттæн радзырдта арæзтад æмæ архитектурæйы комитеты сæрдар Цæллагты Алыксандр. Кусæндоны разамонæг куыд бафиппайдта, афтæмæй горæты ног объекттæ аразыны фарстамæ хъæуы лæмбынæгæй цæст дарын. Ахсджиаг у удæнцойдзинад, æдасдзинад æмæ экологимæ уæлдай æргом аздахын. Уым республикæ пайда кæндзæн канд Уæрæсейы нæ, фæлæ ма фæсарæйнаг бæстæты фæлтæрддзинадæй дæр. Цæллагты Алыксандры ныхæстæм гæсгæ, велосипедисттæн æмæ фистæгцæуджытæн хъæуы саразын иу инфраструктурæ. Хæдтулгæтæн æрлæууæн бынæттæ кæртытæй рахæссын, сæ бынаты та цъæх фæлыстимæ аив фæзуæттæ аразын. Уый фæрцы фæндаггон змæлды уаргъ фæрогдæр уыдзæн, цæндтæ та фæкъаддæр уыдзысты, зæгъынц дзуаппдæттæг комитеты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv