Цæгат Ирыстоны бархионтæ æххуыс кæнынц медицинон кусджытæн

Медицинон кусджыты раз æрбалæууын æмæ сын баххуыс кæнын. Ахæм хæс сæ размæ сæвæрдтой Дзæуджыхъæуы раззагдæр бархионтæ. Бавдæлдысты æмæ æххуыс кæнынц медицинон кусджытæн. Кусынц шофыртæй. Сæ ныхæстæм гæсгæ, сæ куыст зын нæу, æнцон та кæмæн нæу, уыдон сты - дохтыртæ. Фылдæр хабæрттæ нæ дарддæры æрмæджы. Къодоты Марат бархионæй кусы къуырийæ фылдæр. Медицинон кусджытæн æххуыс кæнын кæй хъæуы, уый тыххæй фехъуыста йе`мбæлттæй. Иу уысм дæр нæ хъуыдыгæнгæйæ сразы ис сæ `фарсмæ `рбалæууын. Йæхæдæг куыд зæгъы, афтæмæй зын рæстæг республикæйы цæрджытæ хъуамæ алкæддæр сæ иудзинад æвдисой, кæрæдзийæн лæггад æмæ æххуыс кæной. Бархионты хсæн Белегкаты Аслан дæр. Шофырæй кусын уайтагъд сразы ис. Йæ ныхæстæм гæсгæ, адæймагæн кæдфæндыдæр баххуыс кæныны хъомыс куы уа, уæд иуварс æрлæууын - æгад у. Шофырты хсæн Хæбæлонаты Вадим дæр. Æххуыс кæны зæрдиагæй. «Куыддæр фехъуыстон поликлиникæйы шофыртæ фаг не сты, уæд уайтагъд мæхицæн загътон сæ фарсмæ кæй хъæуы æрбалæууын. Дохтырты куыст зын у, уæлдай дæр та ныртæккæ. Мæ бон куыд у афтæ сæм фæкæсдзынæн», - Дзæуджыхъæуы цæрæг Хæбæлонаты Вадим. Дзæуджыхъæуы 1-æм поликлиникæйы ныртæккæ кусы æрмæстдæр терапевтон хайад. Цы бархионтæ дзы ис, уыдон кусынц райсомæй - суанг æхсæвмæ. «Райсом раджы дохтыр æмæ бархион райдайынц хостæ ласын. Рынчынтæм вæййы «выписка» кæй хонынц, ахæм сыф. Уымæ гæсгæ сын æрвыст æрцæуынц хостæ. Срегистарци сæ кæнæм, чырæ телефоны номырты онг. Алцæмæ дæр лæмбынæг фæкæсæм», - Дзæуджыхъæуы 1-æм поликлиникæйы терапевтон хайады разамонæг Раиса Есиева. Бархионтæ дарддæр сæ куыст кæндзысты. Æнгом сæ кæны иу хъуыддаг - республикæйы короновирусы низ фесафыны тыххæй иумæ бакусын æмæ уавæр фæхуыздæр кæнын. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv