Цæгат Ирыстон 2022-æм азы медицинон кусджыты мызд фидынæн райсдзæн 14,1 млн сомы бæрц

Цæгат Ирыстон 2022-æм азы медицинон кусджыты мызд фидынæн райсдзæн 14,1 млн сомы бæрц. Уый тыххæй уынаффæ бафыста бæстæйы хицауады сæрдар Михаил Мишустин. Ацы нысæнттæ сæххæст кæнынæн æдæппæтæй регионтæн рахай кæндзысты 17,3 млрд сомы. Ахæм уынаффæ хаст æрцыд, афæдзы дæргъы медицинон кусджыты нымæцыл цас бафтыд, уый хынцгæйæ. Уыимæ ма, 20.6 млн сомы республикæ райсдзæн коронавирусæй амбулаторон хуызы кæй дзæбæх кæнынц, уыцы рынчынтæн хостæ ӕлхæнынæн. Михаил Мишустин ма бафыста уæлæмхасæн фондæй 20 млрд сомæй фылдæр рахай кæныны уынаффӕ. Уыдонæй 15 млдрдæй фылдæр æрвыст æрцæудзысты, Уæрæсейы регистрацигонд чи нæма æрцыд, ахæм хостæ æлхæнынæн. 5млрд сомы та регионтæ райсдзысты дохтырты цæстдардимæ низæй йæ хадзары кæй дзæбæх кæнынц, ахæм рынчынты хостæй æххæст кæнынæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv