Битарты Вячеслав фембæлд Мæрзойты Владимиримæ

Транспорты бæлцæттæ ласгæйæ санитарон-эпидемиологон æдасдзинадмæ хъæугæ цæстдард. Ахæм хæс Битарты Вячеслав сæвæрдта кусæг фембæлды рæстæг республикæйы промышленность æмæ транспорты министр Мæрзойты Владимиры раз. Республикæйы сæргълæууæджы хъуыдымæ гæсгæ, æдасдзинадмæ уæлдай æргом аздахын хъæуы, адæм бирæгæйттæй кæм æмбырд кæнынц, уыцы бынæттæм, вокзалтæм æмæ аэропортмæ. Хъæугæ мадзæлттæ æххæст кæнгæйæ коронавирус нæ парахат кæндзæн. Транспорты салон хъæуы дезинфекци кæнын. Уымæй уæлдай бæлцæттæ æмæ транспортон компаниты кусджытæ æнæмæнг хъуамæ дарой маскæтæ æмæ медицинон æрмкъухтæ. Домæнтæ æххæстгонд куы нæ цæуой, уæд компаниты æфхæрдзысты административон æгъдауæй. Битарты Вячеслав профилон разамонæгæн бабар кодта, цæмæй Уæрæсейы фæлхасгæнджытæм цæстдарды управлениимæ республикæйы цæрджыты æдасдзинады тыххæй æмгуыст кæной. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv