«Скажи наркотикам нет», зæгъгæ, акци ацыд Дзæуджыхъæуы

«Скажи наркотикам нет», зæгъгæ, акци ацыд Дзæуджыхъæуы. Мадзал аразæг – «Спасательный круг», зæгъгæ, хæрзаудæн фонд. Акцийы фæлгæты фæсивæдæн радзырдтой, наркотиктæ адæймаджы æнæниздзинадæн цы зиан хæссынц, уый тыххæй. Æрыгон адæм ма бакастысты документалон кинонывмæ. Фæсивæды æнæниздзинадыл ма æвзæры 'рдæм ахадынц, карз нозт æмæ сæрызонд чи æмхæццæ кæны, ахæм буаргъæдтæ. Хæрзаудæн фонды архайджытæ сæ сæйраг хæсыл нымацынц сывæллæтты æргом спортмæ раздахын. Уый тыххæй æрбахуыдтой спортсментæ æмæ тренерты. Кӕронбæттæны ма фонды минæвæрттæ сывæллæтты зæрдæтæ балхæдтой зæрдылдарæн лæвæрттæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv