Сергей Меняйло кусгæ балцы уыд Дыгуры районы

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло абон уыд Дыгуры районы. Федта сæйраг рынчындоны палатæтæ æмæ сæ техникон гæнæнтæ, аныхас кодта рынчынтимæ. Бафарста сæ хосты ифтонгады тыххæй сын цавæр хæринаг дæттынц, уымæй. Медицинон кусæндоны разамындимæ Сергей Меняйло ныхас кодта ахсджиаг фарстатыл. Зæгъæм, цалцæггæнæн куыстытыл. Бæстыхайы иуæй-иу хæйттæ æмæ хæрæндонмæ хъæуы бындуронæй базилын. Дохтырты ныхæстæм гæсгæ, рынчындон цух æййафы ног кусæнгæрзтæй дæр. Уæлдай тынгдæр та сæ хъæуы наркозы аппарат æмæ туджы миниуджытæ иртасæн кусæнгарз. Фæхуыздæр кæнын хъæуы, рынчындонмæ коляскæты чи `рбацæуы, уыдоны уавæртæ дæр. Нæй сын пандустæ. Сергей Меняйло дохтыртæн зæрдæ бавæрдта, сæ къух сын кæй фæрогдæр кæндзæн, уымæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv