Адæмон фронты уæнгтæ æркастысты Дзæуджыхъæуæй Мæздæгмæ федералон фæндаджы уавæрмæ

Адæмон фронты уæнгтæ æркастысты Дзæуджыхъæуæй Мæздæгмæ федералон фæндаджы арæзтадон куыстытæм. Федтой фæндаджы уæлцъары хæрзхъæддзинад. Афæдз æмæ ’рдæгмæ трассæйыл фæзынд æртæ ног хиды, уыимæ фæндагимæ баст 30 ног объектæй фылдæр. Радон рейды адæмон фронты уæнгтæ ног фæндагыл раиртæстой цауд бынæттæ æмæ дзыхъхъытæ. Аиппытæ æмæ хъæндзинæдтæ цæимæ баст сты, уый сбæрæг кæндзысты фæндаггон специалисттæ. Рейды хатдзæгтæ активисттæ арвыстой Цæгат Ирыстоны фæндæгты хæдзарады комитетмæ. Ацы фæндаг ног у æмæ йыл хъæндзинæдтæ хъуамæ ма уа. Фæндаджы уæлцъар тауыны размæ дзы кусджытæ, æвæццæгæн, сæ хæстæ бæрнонæй нæ бакодтой. Ныр разындысты ахæм куыстæн йæ фæстиуджытæ. Мæнмæ гæсгæ, хъуыддаг кæмæ хауы, уыдон æй зонынц. Уавæрыл ма сахадыдта, фæндаг цыбыр рæстæгмæ кæй сарæзтой, уый. 57 км ахæм æмгъуыдмæ саразын æнцон нæу. Боныхъæд дæр афæдзы кæрон сæ хæрзтæй нæ уыд, фæлæ уæддæр фæндаг сарæзтой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv