Нырыккон журналистикæйы форум «Æппæт Уæрæсе-2020» дарддæр йæ куыст кæны Сочийы

Нырыккон журналистикæйы форум «Æппæт Уæрæсе-2020» дарддæр йæ куыст кæны Сочийы. Ныридæгæн профессионалон фестиваль сарæзтой 24-æм хатт. Архайынц дзы дзыллон информацион фæрæзты кусджытæ бæстæйы алы регионæй дæр. Ацы аз дæр, раздæрау, форумы архайы Цæгат Ирыстоны делегаци. Сты 20 адæймагæй фылдæр. Краснодары крайы хииппæрддзинады фæткы домæнтæ кæй æххæст кæнынц, уый тыххæй форум байгом кæныны кадджын мадзал арæзт не ’рцыд. Тымбыл стъолы архайджыты нымæц 100 адæймагæй фылдæр хъуамæ ма уа. Фондз боны дæргъы - лекцитæ, дæсныйад æвдисæг ахуыртæ. Амонынц сæ фæлтæрдджын æмæ дæсны журналисттæ. Ныхас кæндзысты, дзыллон информацион фæрæзтæ ныры рæстæг, уæлдайдæр пандемийы уавæрты сæ куыст куыд хъуамæ кæной, уый тыххæй. Хицæнæй æрдзурдзысты регионты телеуынынады фидæныл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv