Цæгат Ирыстоны æгуыст адæмæн афæдзы райдианæй рахай кодтой 310 млн сомы

Цæгат Ирыстоны куыст чи агуры, уыцы адæмæн афæдзы райдианæй 1-æм августы онг рахай кодтой 310 милуан сомы. Паддзахадон æххуыс, æнæмæнг, æгуыст адæмæн стыр ахъаз у. Уый, фаронимæ абаргæйæ, у дзæвгар фылдæр. Уыцы æхцайы фæрæзты фæрцы нæ республикæйы экономикон уавæр хъуамæ фæхуыздæр уа. Уый тыххæй фехъусын кодта Цæгат Ирыстоны куыстдæттæн комитеты разамонæг Платы Альбинæ. Æмткæй райсгæйæ, ныртæккæ нæ республикæйы бирæ адæм сты æгуыст. Сæ нымæц схæццæ ссæдз минмæ. Ацы аз, 1 мартъийæ фæстæмæ йæ куыстæй чи фæхауд, уыдон райсдзысты 12 мины. Уымæй уæлдай мы сын лæвæрд цæудзысты æхцайы фæрæзтæ, сæ сывæллæттæй 18 азы кæуыл нæма сæххæст, уыдонæн. Уæдæ ма Платы Альбинæ куыд бафиппайдта, афтæмæй куыстдæттæн комитетæй æххуыс чи исы, уыдонæн сæ фылдæр хай кусынц æндæр бынæтты. Куыд ма загъта, афтæмæй коронавирусы низы тыххæй адæм сæ куысты бынæттæй фæхаудысты. Комитет сын цасдæр рæстæг æххуыс кодта. Фæлæ ныртæккæ бирæ бæстыхæйттæ фæстæмæ райдыдтой кусын. Комитеты та адæм къаддæр нæ кæнынц, загъта Платы Альбинæ. Уый фæдыл Цæгат Ирыстоны хъуамæ æгуыст адæмы ракæной æхсæнадон куыстытæм. Зæгъæм, кæд мыййаг искæй йæ куыстæй æрвитынц, уæд уал æй æртæ мæймæ ракæндзысты æхсæнадон куыстытæм. Ацы проограммæйы фæрцы бирæ адæмæн баххуыс кæндзысты. Уый хауы, паддзахадон æмæ муниципалон куыст чи нæ кæны, уыдонмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv