Цæгат Кавказы Хæххон металлургон институты кусджытæ æмæ студенттæ COVID 19 ы ныхмæ цæуынц вакцинаци

Цæгат Кавказы Хæххон-металлургон институтмæ арвыстой «Спутник V» - йы 30 дозæйы. Ахуыргæнæндоны студенттæ æмæ педагогтæ лæмбынæгæй сæ цæст æрдардтой ацы фарстамæ. Ныртæккæ институты ахуыр кæны æмæ кусы 6 мин адæймаджы. Вакцинацийы агъоммæ адæм ацыдысты дохтырты æркаст. Цæгат Кавказы Хæххон-Металлургон интситуты студентты æмæ ахуыргæнджыты ахуырадон бон райдыдта медицинон пунктæй. Бæлвырддæр дзургæйæ та прививкæгæнæн пунктæй. Æрæджы йæ байгом кодтой. Баликъоты Арсен æхснырсæджы ныхмæ прививкæ скӕны æрвылаз. COVID-ы ныхмæ вакцинаци ацæуыныл дæр дызæрдыг нæ кодта. Коронавирусы ныхмæ вакцинæ саразын разы сты студенттæ дæр. Институтæн рахай кодтой вакцинæ Гам-КОВИД-Вак-ы 30 дозæйы. Йæ саразыны тыххæй æххæст кæнынц æппæт уагæвæрдтæ. Фыццаг уал сæрмагонд номырмæ гæсгæ хъæуы хи бафыссын хыгъдмæ. Уый фæстæ бынатыл медицинон пункты анкетæ баххæст кæнын. Вакцинаци ацæуыны размæ сбарынц буары тæвд. Терапевт вакцинæ ма скæныны аххоссæгтæ куы не ссары, уæд привикæ скæнынц. Процедурон агъуысты ис 2 терапевты. Æмæ 2 медицинон хойы. Прививкæ цы 30 адæймагæн скӕной, уыдон вакцинæйы дыккаг хай сараздзысты 9 мартъийы. Уӕдмӕ дохтыртæ сæ цæст дардзысты пациенттæм. Цæгат Кавказы Хæххон-Металлургон институты ахуыр кæныц æмæ кусынц 6 мин адæймагæй фылдæр. Ацы хъуыддаджы сæрмагонд цæстдард цæуы, 60 азæй фылдæр кæуыл цæуы, уыцы хистæртæм. Кӕд, вакцинæ скӕнынвæнд чи скæна, уыыдоны нымæц фæфылдæр уа, уæд дозæты нымæцмæ дæр æрбафтдзæн. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv