Хуссар Ирыстоны коронавирусæй амард иу адæймаг

Хуссар Ирыстоны коронавирусæй амард иу адæймаг. Æнæниздзинад хъахъхъæныны министрад куыд хъусын кæны, афтæмæй йыл цыд 84 азы. Рынчындоны уыд æвзæр уавæры. Ковидæй уæлдай ма йæм уыд рæуджыты дывæрсыг низ, улæфт-иу ын нæ фаг кодта. Дохтыртæ йын æххуыс кодтой, фæлæ уæддæр адæймаг йæ цардæй ахицæн. Хуссар Ирыстоны фæлхасгæнджытæм цæстдарды службæйы фæстаг хъусынгæнинагмæ гæсгæ, республикæ йæ арæнтæ куы байгом кодта, уæдæй нырмæ дзы рабæрæг коронавирусæй 215 рынчыны, пандемийæйы райдианӕй та - 305. Æвзæр эпидемиологон уавæры тыххæй абон сæхгæдтой ноджы 3 рæвдауæндоны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv