Хъуыстгонд театралон архайæг Евгений Вахтанговы райгуырдыл абон æххæст кæны 141 азы. Режиссер, актер, педагог райгуырд æмæ схъомыл Дзæуджыхъæуы. Театр та уарзта йæ сабибонтæй фæстæмæ. Архайдта-иу хæдахуыр драмон къордты. Гимназ каст куы фæци, уæд ацыд Мæскуымæ. Уым сæвæрдта цалдæр зындгонд спектаклы. Уыд ахуыргæнæг дæр. Нæ номдзыд æмзæххон у Щукинты ӕфсымӕрты номыл училищæ æмæ Вахтанговы номыл театры бындурæвæрæг. Йæ ном ын ссардтой скъоладзаутæ, студенттæ, культурæйы архайджытæ. Йæ цыртдзæвæныл сæвæрдтой дидинджытæ.