РЦИ-Аланийы муниципалон скондты минæвæрттæн кусын райдыдта дæсныйад уæлдæргæнæн программæ

Цæгат Ирыстоны муниципалон скондты советы уыд кусæг фембæлд. Абон райдыдтой дæсныйад уæлдæргæнæн ахуыртæ регионы 8 муниципалон сконды, стæй Дзæуджыхъæуы зылды минæвæрттæн. Ахуыртæ сарæзтой Красноярскы паддзахадон æмæ муниципалон разамынды институтимæ иумæйагæй. Программæйы - лекцитæ, видеоуроктæ, тесттæ æмæ форумтæ. Ахуыртæ ахæсдзысты октябрмæ. Сæ нысан у - муниципалон кусджыты зонындзинæдтæ коррупцийы профилактикæйы фарстаты къабазы фæуæрæхдæр кæнын. Программæ цæудзæн дистанцион хуызы. Йæ архайджытæ кæронбæттæны райсдзысты сæрмагонд сертификаттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv