Дзæуджыхъæ уы уыд композитор Хаханты Дудары райгуырды 100 азы бонмæ арæзт концерт
Цæгат Ирыстоны паддзахадон филармонийы ацыд композитор Хаханты Дудары райгуырды 100 азы бонмæ арæзт концерт. Хаханты Дудар уыд Уæрæсе, Цæгат Ирыстон æмæ Гуырдзыстоны аивæдты сгуыхт арахайæг, аивадзонынады кандидат, Хетæгкаты Къостайы номыл премийы лауреат. Нæ зындгонд æмзæххон стыр æвæрæн бахаста ирон национ культурæйы райрæзтмæ. Йе 'сфæлдыстадон биографи хъæздыг у алыхуызон музыкалон жанртæй. Пьесæтæ, симфонитæ, концерттæ, музыкæ фыста спектакльтæм дæр. Сфæлдыста фыццаг ирон опереттæ. Куыста ирон музыкалон фольклорыл. Кандидаты диссертаци хъахъхъæнгæйæ сарæзта стыр наукон-иртасæн куыст. Хаханты Дудар архайдта националон музыкæ европæйаг æмвæзадмæ ракæныныл, уый хыгъд ирон традицион мотивтæ бахъахъхъæнгæйæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv