Саха АССР тэриллибитэ 100 сылынан! Саха Өрөспүүбүлүкэтин күнүнэн!

Саха сирин судаарыстыбаннаһа олохтоммут күнүнэн уонна Саха АССР тэриллибитэ үбүлүөйдээх 100 сылынан ис сүрэхпититтэн, итиитик-истиҥник эҕэрдэлиибит! Биһиги Саха сирин судаарыстыбаннаһа олохтонуутугар уонна атаҕар туран сайдыытыгар сүдү кылааттарын киллэрбит биир дойдулаахтарбыт ааттарыгар мэлдьи сүгүрүйэн-ытыктаан, кинилэр ааттарын уонна үтүө дьыалаларын үйэтитэн кэлэр көлүөнэлэргэ тиэрдэрбит, кинилэр килбиэннээх холобурдарыгар оҕону-ыччаты патриотическай тыыҥҥа иитэрбит - ытык иэспит. Аҕа көлүөнэ геройдуу олорон-үлэлээн ааспыт эстафетатын салгыы тутан хаалар уонна ону салгыыр ыччаттаах буолуу – дойдубут куттала суох уонна бигэ туруктаах олоҕун мэктиэтэ. Ытыктабыллаах дьоммут‒сэргэбит, күндү биир дойдулаахтарбыт! Эһиэхэ чэгиэн-чэбдик доруобуйаны, олоххутугар-үлэҕитигэр ситиһиилэри, дьолу-соргуну уонна этэҥҥэ буолууну баҕарабыт!