Хетæджы бон æхсæнадон уагæвæрдмæ кастысты мидхъуыддæгты министрады кусджытæ

Бæрæгбоны фæдыл æдасдзинады мадзæлттæ æххæст кодтой 600 адæймаджы, уыдонæн се `рдæг уыдысты Уæрæсейы гвардионтæ. Сæ архайды руаджы барадхæлдтытæ нæ рабæрæг. Мидхъуыддæгты министрады кусджытæ ифтонг уыдысты згъæрагуæн кусæнгæрзтæй. Фыццаг медицинон æххуыс бакæнынæн бынаты рад хастой дохтыртæ æмæ тагъд æххуысы къареттæ. Рагагъоммæ Хетæджы къохы фæзуатыл æрзылдысты кинологтæ æмæ инженерон-саперон дæлхайæдтæ. «Дзæуджыхъæу-Алагир» фæндагыл цæмæй цæндтæ ма фæзына, уый тыххæй иуæй-иу хæдтулгæтæн амынд уыд æндæр фæндагыл ацæуын. Дзæуджыхъæуæй чи цыд, уыцы шофырты инспектортæ æрвыстой Дзуарыхъæуы уылты Архонкæмæ, Алагирæй чи рабалц кодта, уыдонæн та фадат уыд Пысылмонхъæу, стæй Æрыдоны уылты бахæццæ уæвын. Цæрджыты удæнцойæн бæрæгбоны мадзæлтты рæстæг хæдтулгæтæн æрцæттæ кодтой æрлæууæн бынæттæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv