Дзæуджыхъæуы минæвæртты æмбырды уæнгтæ федтой скъолаты хæрæндæтты уавæр

Дзæуджыхъæуы скъолатæм цы хойраг ласынц, уый хæрзхъæддзинадмæ сæ цæст дарныц Дзæуджыхъæуы администрацийы сæрмагонд къамисы уæнгтæ. Рейды рацæуынц къуыри 2 хатты. Мадзæл арæзт цæуы Республикæйы сæргълæууæг Битарты Вячеславы уынаффæмæ гæсгæ. Радон рейды цавæр фиппайнæгтæ сбæрæг кодтой? Ахæм рейд Дзæуджыхъæуы минæвæртты æмбырды уæнгтæ æмæ æхсæнадон архайджытæ къуыри саразынц 2 хатты. Сæ балц райдыдтой Дзæуджыхъæуы 4-æм скъолайæ. Тæвд хæринаг дзы хæрынц 250 скъоладзауæй фылдæр. Бæрæггæнæн мадзæлтты рæстæг стыр аиппытæ не ссардтой. Хæринаггæнджыты ныхæстæм гæсгæ, сывæллæттæ адджынæн бахæрынц сæ аходæн. Уый сын æхсызгон вæййы. Æрмæст сæ хæрæндон иучысыл цух у мигæнæнтæй. Рейды архайджытæ ма федтой Дзæуджыхъæуы 11-æм скъолайы ахуырдзаутæ ныртæккæ кæдæм цæуынц, уыцы 26-æм скъола дæр. Ныртæккæ дзы тæвд хæринаг кæнынц 400 ахуырдзауæй фылдæрæн. Æрмæст сæм нæ кусы дон тæвдгæнæн. Нæй сæм, мигæнæнтæ чи `хсы, ахæм аппарат. Рейды архайджытæ сын зæрдæ бавæрдтой баххуыс кæнынæй. Тæвд хæринаг скъоладзаутæн кæныны фæткмæ кæсынц Дзæуджыхъæуы администрацийы сæрмагонд къамисы. Республикæйы сæргълæууæг Битарты Вячеславы уынаффæмæ гæсгæ йæ архайджытæ ахæм рейдты арæх ацæуынц. Сæхи цæстæй уынынц, цы æмæ хойраджы цавæр хуызтæ ис ахуырдзауты фынгыл, уый. Алы скъоламæ дæр сæ хæццæ кæны хойраджы комбинат. Меню ивынц 10 бонæй 10 бонмæ. Хъуыддагмæ дарддæр дæр сæ цæст дардзысты. Сывæллæттæ хæринаджы хæрзхъæддзинад у нырыккон дуджы сæйрагдæр фарстатæй иу. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv