Лескены скъолайы бындурон цалцæг йæ тæмæны бацыд

Цæгат Ирыстоны дарддæр цалцæг кæнынц ахуырады объекттæ. Сæ иу Лескены скъола. Ам цæуынц арæзтадон куыстытæ. Ахуыргæнæндон цалцæггонд нæ уыд 50 азы бæрц. Ныр скъола саив кæндзысты. Уыимæ ма дзы фæзындзæн «Точка Роста» дæр. Федералон программæйы æххуысы фæрцы ма ивд æрцæудзæн скъолайы сæр, хъармгæнæн системæ æмæ дондзæуæн хæтæлтæ. Бæлвырддæр нæ дарддæры æрмæджы. Ног цалцæггонæггонд скъола йæ дуæрттæ байгом кæндзæн сентябры. Сабитæн ног ахуыры аз райдайдзæн аив æмæ райдзаст бæстыхайы. Ныридæггæн куыстытæн баххæст кодтой сæ 90%. Аразджытæ уæлдай æргом здахынц пъолты уавæрмæ. Цалцæггæнæн куыстытæ цæуынц федералон программæ «Образование»-йы фæлгæты. Скъолайы ма фæзындзæн «Точка роста» дæр. Сывæллæттæ архайдзысты «Робототехника»-йы сусæгдзинæдтæ базоныныл. Скъола ифтонггонд æрцæудзæн хъæугæ кусæнгæрзтæй. Дзуапп дæтдзысты æппæт нырыккон домæнтæн дæр. Сæйрагдæр у сабитæн æмбæлгæ уавæртæ саразын. Цалцæг кæнынц спортивон æмæ æмбырдтыты залтæ. Уый та уый нысан кæны, æмæ спортивон секциты нымæц скъолайы фæфылдæр уыдзæн. Уæдæ егъау мадзæлттæ кæм бæрæг кæной, уыцы зал дæр сног кæндзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv