500 адæймагæй фылдæр бафыстой социалон контракттæ «Мæгуырдзинадимæ тох кæнын»-ы программæйы фæлгæты

Социалон контракттæ Цæгат Ирыстоны бафыстой 500 адæймагæй фылдæр «Мæгуырдзинадимæ тох кæнын»-ы программæйы фæлгæты. Æхцайы æххуыс райстой, сæ проекттæ ныридæгæн чи æххæст кæны, уыдон. Сты 3 къорды – куыст чи агуры, уыдон, амалхъом адæм æмæ, хи хæдзарад кæмæ ис, ахæмтæ. Уый тыххæй абон журналисттæн радзырдта проекты разамонæг Абайты Константин. Социалон проекты архайджытæ разæнгардæй æмгуыст кæнынц, хъуыддагæн дзуапп чи дæтты, уыдонимæ – адæмæн куыст дæттыны центримæ, хъæууон хæдзарад æмæ экономикон райрæзты министрадтимæ. Абайты Константины ныхæстæм гæсгæ, арæхдæр адæмы æххуыс фæхъæуы хи амалхъомадыл бакусынæн. Сæ зæрдæ дарын сæ бон у 250 мин сомыл æххуысыл. Афтæмæй, 2021-æм азы фæнд кæнынц программæйы руаджы 1077 адæймагæн баххуыс кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv