Бæрæгбоны агъоммæ цæгатирыстойнаг пъæлицæйæгтæ бацархайдтой сæрмагонд акцийы

Бæрæгбоны агъоммæ цæгатирыстойнаг пъæлицæйæгтæ бацархайдтой сæрмагонд акцийы. Социалон хызæджы равæрдтой видеороликтæ. Уым Мæздæджы районы барадхъахъхъæнджытæ æвдисынц, спортмæ æмхиц уæвын куыд ахсджиаг у, уый. Мидхъуыддæдæгты министрады кусгæйæ фидар уæвын хъæуы, канд удыхъæдæй нæ, фæлæ ма буарæй дӕр. Службæгæнджытæ ацæуынц медицинон къамис. Специалисттæ сын æркæсынц сæ физикон цæттæдзинадмæ. Кусынмæ райсынц, фæлварæнты сæрты чи ахизы, æрмæст уыдоны. Дзаумæттæ кæм ивынц, уыцы челенджы бацархайдтой æндæр регионты минæвæрттæ дæр. Æнæниз цардыуаджы марафон дарддæр парахат кæны интернеты тыгъдады. Уæ зæрдыл ма уын æрлæууын кæндзыстæм, Мидхъуыддæдæгты министрады кусæджы бон раздæр бæрæг кодтой куыд Милицæйы бон, афтӕ. Снысан æй кодтой 1917 азы 10-æм ноябры. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv