Ныхас - адæмы хъæлæс | Бæрнон ныхас

«Ныхас» ирон адæмы царды вазыгджын бынат ахсы. Кæдæриддæр йæ сæйраг нысан, йæ архайд уыд адæмы ахсджиаг фарстатæ алыг кæнын, æгъдау бахъахъхъæнын. Æппæтдунеон æхсæнадон змæлд «Аланты Ныхас» уыцы хæс абон дæр æххæст кæны. Цæмæй куыст рæстмæ цæуа, уымæн та йæ хъæуы адæмы æххуыс æмæ хицауады цæстдард. Цы уавæры ис, цавæр къуылымпытæ æййафы,  ууыл бæрнонæй æрныхас кодтой æхсæнады зæрдæрарддæр уæнгтæ.