Хъæбæлоты Билары номыл стипенди саккаг кодтой 10 студентæн

Студентты зонадон куыстмæ разæнгард кæнынæн Цæгат Ирыстоны 2017 азы снысан кодтой Хъæбæлоты Билары номыл стипенди. Ацы аз йæ райсынæн курдиæттæ балæвæрдтой 36 адæймаджы. Хуыздæрты дзы равзæрстой къамисы уæнгтæ - республикæйы хицауады уæнгтæ, парламенты æмæ наукон æхсæнады минæвæрттæ. Стипендийы аккаг систы 10 æрыгон ахуыргонды. Цавæр фæндтæ ис курдиатджын студенттæм, уый базыдта нæ уацхæссæг. Ацы колбæты тагъд фæзындзысты стæмыл нымад чи сты, картофы ахæм мыггæгтæ. Томайты Тимур сæ ныртæккæ хъацæнтæй дзаг кæны. Иртасын æмæ йӕм халсарты ног хуызтыл кусын тынг цымыдисаг кæсы. Наукон куыстмæ афтæ разæнгард кæй у, уый фæдыл Тимурæн саккаг кодтой Хъæбæлоты Билары номыл паддзахадон стипенди. Студент йæхæдæг куыд зæгъы, афтæмæй æрыгон ахуыргæндтæн ахæм хуызы æххуыс ахсджиаг у. Æрыгон ахуыргæндтæм æппынæдзух сæ цæст дарынц фæлтæрдджын ахуыргæнджытæ. Наукон разамонджыты сæйраг хæс у рæзгæ фæлтæр зонындзинæдты ног бæрзæндтæм разæнгард кæнын. Хъæбæлоты Билары номыл паддзахадон стипенди снысан кодтой 2017 азы. Уæдæй абонмæ стипендийæ кæй хорзæхджын кæнынц, уыдоны нымæц 10 онг фæфылдæр кодтой. Йæ бæрц у 10 мин сомы æрвылмæй. Райсыны фадат æй ис уæлдæр ахуыргæнæндæттæ æмæ профессионалон училищæты студенттæн. Стипенди райсынæн студенттæ бацархайынц конкурсы. Уый тыххæй та хъуамæ сæ гæххæтытæ бадæттой ахуырады министрадмæ. Хъæугæ гæххæтты хыгъд ссарæн ис нæ ведомствæйы сайты. Студентты бон у сæ курдиæттæ бадæттын июнь æмæ июлы. Къамис æркæсы сæ ахуыры æмæ наукæйы æнтыстдзинæдтæм. Бирæтæ равдисынц сæ наукон уацтæ. Хъуамæ алы куыст дæр фидаргонд уа дипломтæ æмæ сертификаттæй. Ацы аз стипенди райсынмæ сæ курдиæттæ балæвæрдтой 36 студенты. 10 дзы райстой материалон æххуыс сæ наукон куысты рæзтыл бакусынæн. Хуасдзауты Алинæ, Томайты Аланæ, Гаппуаты Хетæг, Ирыстоны хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv