16-æм майæ 1-æм къласæй 8-æм къласы онг ахуырдзаутæ, уыимæ 10- æм къласонты рагагъоммæ ауадздзысты к

16-æм майæ 1-æм къласæй 8-æм къласы онг ахуырдзаутæ, уыимæ 10-æм къласонты рагагъоммæ ауадздзысты каникулты. Уый тыххæй фехъусын кодта ахуырад æмæ наукæйы министр Людмила Башарина. Скъоладзаутæ ма улæфдзысты 1-æй 11-æм маймæ. 9-æм къласы ахуырдзаутæн сæ ахуыры аз фæуыдзæн 29-æм майы, 11 къласы каст чи фæци, уыдонæн та 5-æм июны. Уæдмæ уал ахуыр кæндзысты фæсаууонмæ хуызы. Паддзахадон фæлварæнты дæттыны рæстæг дæр сбæлвырд. Людмила Башарина ма куыд фæнысан кодта, афтæмæй 9-æм къласы скъоладзаутæ цыппар фæлварæны бæсты дæтдзысты дыууæ - уырыссаг æвзаг æмæ математикæ. Кæронбæттæн аттестаци сараздзысты сæрмагонд пунктты. Ахуыргæнджыты аттестацийы æмгъуыд та Уæрæсейы Рухстауыны министрад аргъæвта афæдзы кæронмæ. Ныхас цæуы 1-æм апрелæй 1-æм сентябрмæ сæ аттестацийы æмгъуыд кæмæн фæци, уыцы ахуыргæнджытыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv