Дзæуджыхъæуы, Сæрибардзинады фæзы фæзынд фонтан

Алы хуызтæй æмæ музыкæйы зæлтимæ иумæ. Дзæуджыхъæуы, Сæрибардзинады фæзы фæзынд фонтан. Кадджын уавæры йæ байгом кодтой республикæйы сæргълæууæг Битарты Вячеслав, хæрзгæнæг Гуыриаты Владимир æмæ Дзæуджыхъæуы администрацийы сæргълæууæг Фæрниаты Тамерлан. Фонтан кусдзæн уалдзæгæй фæззæгмæ. Бонæй дзы уыдзæн сывæллæттæн хъазынæн фæзуат, изæрыгон та республикæйы цæрджытæ æмæ уазджытæн сæ бон фенын уыдзæн музыкалон равдыст. Дон цæгъды алы хуызтæй, цалдæр метры бæрзæндмæ хизы. Цæгат Ирыстоны сæргълæууæг Битарты Вячеслав куыд фæбæрæг кодта, афтæмæй Дзæуджыхъæу бонæй-бонмæ райдзыстдæр кæны. Нывыл кæнынц бæстыхæйттæ, фæндæгтæ æмæ æхсæнадон бынæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv