Коронавирусæй рынчы ногæй ласын райдыдтой Тагъд æххуысы клиникон рынчындонмæ

Абонæй фæстæмæ коронавирусæй рынчы ногæй ласын райдыдтой Тагъд æххуысы клиникон рынчындонмæ. Уый тыххæй Оперативон штабы æмбырды фехъусын кодта рынчындоны сæйраг дохтыры хæстæ рæстæгмæ æххæстгæнæг Тометты Олег. Æмбырдæн разамынд лæвæрдта республикæйы сæргълæууæг Битарты Вячеслав. Ныхас кодтой эпидемиологон уавæрыл æмæ медицинон къабазы рæзтыл. «Фыццаг медикон-санитарон æххуысы системæйы райрæзт»-ы регионалон проекты фæлгæты Цæгат Ирыстоны ацы аз фæнд кæнынц саразын 36 фелсырон æмæ фелсырон-акушерон пункты. Битарты Вячеславы ныхæстæм гæсгæ, нæ бæстæйы президент Владимир Путин цы сæйраг хæстæ фæнысан кодта, уыдоны хсæн, национ проект «Здравоохранение»-йы фæлгæты, медицинон тагъд æххуысы уавæртæ хуыздæр кæныны хъуыддаг. Районты рынчындæтты сæйраг дохтыртæн бахæс кодта, фелсырон-акушерон пунктты арæзтадмæ сæ цæст дарын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv