Дзæбæхгæнæн лагерь «Звёдочкæ»-йы сывæллæттимæ дзурынц иронау

Ныр къорд рæстæг лагерь «Звёздочкæ»-йы кусджытæ сæ хъомылгæнинæгтимæ кусынц поликультурон ахуырады полилингвалон хуызӕй пайдагæнгæйæ. Арӕх æрхъуыды кæнынц алыхуызон мадзæлттæ, сабитæн уарзын кæнынц ирон æвзаг. Къуырийы дæргъы нæ республикæйы алыхуызон скъолатæй ахуырдзаутæ улæфыдысты дзæбæхгæнæн лагерь «Звёдочкæ»-йы. Ацы алæмæты бынатмæ 20 сабийæ фылдæр æрцыдысты сæ уалдзыгон каникулты рæстæгмæ, канд се ‘нæниздзинад фæхъæддыхдæр кæнынмæ нæ, фæлæ сын ма сæрмагондæй лагеры кусджытæ цы парахат программæ бацæттæ кодтой уый фенын, æмæ дзы бацархайын. Кæронбæтттæны лагерь «Звёздочкæ»-йы минæвæрттæ равдыстой концерт сæрмагондæй сæ ныййарджытæн æмæ уазджытæн, фæлæ цымыдисаг уый нæу. Равдыст райдианæй кæронмæ дæр уыд ирон æвзагыл. Фæнысан кæнын хъæуы уый, æмæ лагеры цы сывæллæттæ уыд ацы рæстæг, уыдонæй иу дæр райдианы ирон æвзагыл дзургæ дæр нæ кодта. Дзæбæхгæнæн лагерь «Звёдочкæ» къорд рæстæг, бæлвырддæр та æртæ азы дæргъы дысвæлдæхтæй архайдта поликультурон ахуырады полилингвалон модель ныффидар кæныныл. Аз размæ сæ къухы бафтыд. Ныр ирон æвзаг ссис улæфты программæйы сæйраг домæн. Иронау кæсынц, театралон равдыстытæ, зарджытæ-ирон æвзагыл, суанг ма экскурситæ дæр. Ныридæгæн лагеры йæ рæстæг пайдаимæ арвитын йæ бон у алы кары скъоладзаутæн дæр. Куыд цæуы куыст ацы программæйы фæлгæты лагерæн йæ куыст, уый бæрæг кæнынмæ ацы мадзалмæ уазæгуаты æрбацыдысты Национ ахастдзинæдты министр Цуциты Аслан æмæ «Стыр ныхас»-ы сæрдар Кучиты Руслан. Уазджытæ дисы бафтыдысты, къуырийы æмгъуыдмæ сабитæ сæрæн дзырд кæнын райдыдтой ирон æвзагыл. Кучиты Руслан иннæ уазджыты номæй раарфæ кодта лагеры кусджытæн, йæ зæрдæ сын загъта ног æнтыстдзинæдтæ сæ арфæйаг куысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv