Дзæуджыхъæуы Уæлахизы боны агъоммæ ацыд кадджын мадзал «Герои Советского Союза - без золотой звезды»

Уæрæсейы пъырыстыфты Федералон службæйы Цæгат Ирыстоны управленийы минæвæрттæ Уæлахизы боны агъоммæ сарæзтой кадджын мадзал «Герои Советского Союза - без золотой звезды», зæгъгæ. Уазджытæн радзырдтой Фыдыбæстæйы Стыр хæсты 6 ветераны хъæбатырдзинады тыххæй. Уыдонæн радтой Советон Цæдисы хъæбатырты нæмттæ, фæлæ сæ хæрзиуджытæ нæ райстой. Уазджыты 'хсæн уыдысты Фыдыбæстæйы Стыр хæсты ветерантæ Петр Гречко æмæ Арутюн Хачикян. Уыимæ ма Хæсты, Фæллойы, гæрзифтонг тыхты Ветеранты Советы уæнгтæ. Уыдонæн 11-æм скъолайы ахуырдзаутæ бацæттæ кодтой хæстон уацмыстæ æмæ зарджытæ. Мидхъуыддæгты министрады оркестр дæр бæрæгбон саив кодта. Кæронбæттæны Уæрæсейы пъырыстыфты Федералон службæйы Цæгат Ирыстоны управленийы сæргълæууæг Къесаонты Игорь Кады гæххæттытæ æмæ зæрдылдарæн лæвæрттæ радта Фыдыбæстæйы Стыр хæсты ветерантæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv