Цæгат Ирыстонæн автомобилон тъунел рацаразынæн рахай кæндзысты æхцайы фæрæзтæ

Цæгат Ирыстонæн автомобилон тъунел рацаразынæн рахай кæндзысты æхцайы фæрæзтæ. Уый тыххæй нæ бæстæйы хицауады æмбырды рæстæг фехъусын кодта премьер-министр Михаил Мишустин. Йæ ныхæстæм гæсгæ, дарддæр куыст цæуы регионты фæндæгтæ сног кæныныл. Ацы хъуыддагæн рахай кæндзысты 5 миллиард сомы. Уыдонæй национ проект «Безопасные и качественные дороги»-йы фæлгæты хъæутæ æмæ горæтты фæндæгты цалцæгæн рахай кæндзыты 3,5 млрд сомы. 1,5 млрд сомы та рахай кæндзысты ведомствæты сæрмагонд программæммæ гæсгæ. Афтæмæй бындуронæй рацараздзысты Цæгат Ирыстоны автомобилон тъунел æмæ Хабаровскы сараздзысты иувæрсты фæндаг. Республикæйы фæндаггон комитеты хæдзарады куыд фæнысан кодтой, афтæмæй тъунелыл бакусдзысты курорт «Мамысон»-ы проекты райрæзты фæлгæты. Проектмæ гæсгæ сараздзысты фæндæгтæ, уыимæ ма сног кæндзысты Мамысонмæ бахизæны тъунел. Уæ зæрдыл уын æрлæууын кæндзыстæм, ацы фарста республикæйы сæргълæууæг Битарты Вячеслав рæгъмæ рахаста Уæрæсейы транспорты министр Евгений Дитрихимæ фембæлды рæстæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv