Паддзахадон автоинспекцийы кусджытæ Дзæуджыхъæуы расидтысты акци «Нетрезвый водитель», зæгъгæ

«Нетрезвый водитель», зæгъгæ, профилактикон акци дарддæр цæуы Цæгат Ирыстоны. Аразынц æй республикæйы паддзахадон автоинспекцийы кусджытæ. Ивгъуыд фæлладуадзæн бонты нæ республикæйы рабæрæг кодтой 100 нозтджын шофыры. Хъыгагæн, сæ аххосæй æрцæуынц транспортон фыдбылызтæ уæззау фæстиуджытимæ. Паддзахадон автоинспекцийы специалисттæ ма иу хатт зæрдыл лæууынц кæнынц, нозтджынæй хæдтулгæйы чи сбада, уыдонмæ æнхъæлмæ кæсы ивар 3 мин сомы, уыимæ 2 азы дæргъы сын машинæ тæрыны бар нæ уыдзæн. Медицинон æгъдауæй æрвонг у æви нозтджын, уый сбæлвырд кæнын чи нæ бакома, уый дæр æфхæрд æрцæудзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv