Битарты Вячеслав бахæс кодта æрыгон дохтыртæн дæсныйад бæрзонддæр гæнæн программæ саразын

Республикæйы сæргълæууæг Битарты Вячеслав бахæс кодта коронавирусимæ чи тох кæны, уыцы æрыгон дохтыртæн дæсныйад бæрзонддæр гæнæн программæ саразын. Документы бæрæггонд уыдзысты паддзахадон æххуысы фадæттæ. Республикон æмæ Тагъд æххуысы клиникон рынчындæтты дохтыртæм æххуысмæ фæтагъд кодтой медицинон колледжы 22 æмæ медицинон академийы 67 студенты. Колледжы ахуырдзаутæн пандемийæйы фæстæ сæ бон уыдзæн, сæ ахуыр дарддæр Медицинон академийы ахæццæ кæнын. Covid-имæ чи тох кæны, уыцы студентты схорзæхджын кæндзысты паддзахадон хæрзиуджытæй. Хицæнæй республикæйы сæргълæууæг æрдзырдта дохтырты фиддонтыл. Битарты Вячеслав бабар кодта, цæмæй æхцайы фæрæзтæ дохтыртæн бæлвырд æмгъуыдмæ фыст цæуой. Дзæуджыхъæуы æртæ поликлиникæйы уæлæмхасæн райстой сæрмагонд автотранспорты æртæ иуæджы. Уый фæрцы æрмæджытæ исын æмæ иртасæн куыст фенцондæр. Уыимæ ныр фылдæр адæмæн ис медицинон цæстдард æмæ дæсны специалистты æххуыс райсыны фадат. Битарты Вячеславы бадзырдмæ гæсгæ фæфылдæр сты Республикон клиникон рынчындоны авналæнтæ. Уæлæмхасæн дзы рынчынтæн фæзынд 50 ног бынаты. Кусæндон фæхъæздыгдæр æхсæз ног улæфæн аппаратæй. Функционалон сынтæджытæ æмæ æндæр хъæугæ кусæнгæрзтæ амал кæныны куыст, рынчындоны разамынд дарддæр дæр кæндзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv