Цæгат Ирыстоны архайынц халсарты куыст кæныны программæйы райрæзтыл

Цæгат Ирыстоны æнтыстджынæй æххæст кæнынц хъæууон-хæдзарады программæтæ. Хъæрмуæтты зайын кæнынц халсартæ æмæ дыргътæ. Уый тыххæй республикæйы бюджетæй радих кодтой 20 милуан соммæ `ввахс. Æхцайæ æххуыс ныридæгæн бирæ зæхкусджытæ райстой. Сæнæфсир, зокъотæ, пъамидортæ, ныр та ма джитъритæ дæр. Дыгъуызты Зураб агрономы куыст кæны 40 азæй фылдæр. Ныртæккæ у пенсиисæг, фæлæ йæ уарзон куыст нæ уадзы. Райста грант æмæ Зилгæйы скодта джитъритæн хъæрмуæттæ. Ныридæгæн фæнд кæны йæхи тыллæг базары уæй кæнын. Рубайты Вадим та у Хуымæллæджы цæрæг. Сарæзтæ æнæхъæн комплекс джитъритæн. Вадим дæр гранты фæрцы скодта ног хъæрмуат. Ныртæккæ цæттæ кæнынц галæрыскъæфы хъæрмуат. Фæнд кæны тæвд бауадзын, цæмæй æрвылаз дæр дыргътæ æмæ халсартæ зайой. Хъæууон хæдзарады министрады специалисттæ сæ хъус дарынц, хъæрмуæттæн сæ райрæзтæй суанг фыццаг тыллæг сисыны онг куыст куыд цæуы, уымæ. Республикæйы сæргълæууæг Битарты Вячеславы хъæппæрисæй арæзт æрцыд инвестицион агентад. Уым фидаргонд æрцыд сæрмагонд программæ халсарты куыст райрæзын кæнынæн. Фарон республикæйы районты къухы бафтыд саразын 20 хъæрмуатæй фылдæр. Республикæйы бюджетæй сын рахай кодтой 19 милуан сомы бæрц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv