«Кванториум» ы 3 кусæджы ацыдысты фæлтæрддзинад уæлдæргæнæн ахуыртæ

Сывæллæтты технопарк «Кванториум»-ы æртæ кусæджы ацыдысты фæлтæрддзинад уæлдæргæнæн ахуыртæ. Базыдтой профессионалон ифтонггæрзтимæ кусын. Ахæм ахуыртæм кусджытæ ацæуынц æрвылаз нæ бæстæйы алы регионтæм. Зæгъæм, Джусойты Антон ацыди Ижевскмæ, цæмæй бæлвырддæр базона йæ дæсныйады сусæгдзинæдтæ. Уæдæ «виртуальная и дополненная реальность» цы хайад хуыйны, уырдæм та сæ фæлтæрддзинад фæбæрзонддæр кæнынмæ ацыдысты Гыбызты Давид æмæ Андрей Губарев. Ахуырты иу къуыримæ уыдон базыдтой 3D-моделированийы сæйраг сусæгдзинæдтæ. Ахуыргæнинæгтæн лекцитæ кастысты ахуырады хайады директоры хæдивæг Мария Макаренко, ахуыргæнæг-амонæг Ирина Мещерякова, Иван Ковалев æмæ Павел Скворцов. Ныртæккæ сывæллæтты технопарк "Кванториум"-ы ахуыр кæныны фадат ис 5-æй - 11-æм кълæсты ахуыргæнинæгтæн. Ахуыртæ сты лæвар. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv