«Уæллаг Ларс»-ы ист æрцыд санкцитæ æвæрд кæуыл ис, ахæм продукци

Контролон-уадзæн пункт «Уæллаг Ларс»-ы ист æрцыд, санкцитæ æвæрд кæуыл ис, ахæм продукци. Цæгат Ирыстоны арæнхъахъæнджытæ сæрмагонд мадзæлтты фæлгæты фесафтой Польшæйæ ласт товар. 4 мин килæйæ фылдæр фæткъуытæ – 374 асыччы. Уыдон ластой Гуыздыстонæй. Цæм тыхт уыдысты, уый нысанмæ гæсгæ раиртæстой Польшæйы республикæйæ рацæугæ кæй сты, уый. Уæрæсейы Хицауады уынаффæмæ гæсгæ, Европæйы цæдисы бæстæтæй, стæй Америкæ, Канадæ æмæ Австралийæ цы кондад лæсынц, уый 2020-æм азы 31-æм декабры онг арæнты сæрты æрбайсæн нæй. Ууыл æнцайгæйæ, продукци арæнтæй дарддæр не`рбауагътой. Сæрмагонд къамис, йе`сконды Цæгат Ирыстоны таможня, Хъæууон хæдзарадмæ цæстдарды управлени æмæ Дзæуджыхъæуы траспортон прокуртурæйы минæвæрттæ, афтæмæй, уынаффæ рахастой товар иууылдæр фесафын. Æрбаласын сæ чи фæнд кодта, уый ныхмæ та ма байгом кодтой административон хъуыддаг 16 статьямæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv