Дзæуджыхъæуы скъоладзаутæн æфсæддон хайады сарæзтой экскурси

Æфсæддоны цардæй ацæрын. Йæ уæлæдарæс ын хиуыл фенын. Уыимæ ма хæцæнгарз равзарын æмæ йæ фæстæмæ сæмбырд кæнын. Ахæм фадат фæзынд Дзæуджыхъæуы скъоладзаутæн. Æфсæддон хайады сын сарæзтой экскурси. Фылдæр хабæрттæ нæ дарддæры æрмæджы. Æфсæддон хайады цымыдисаг экскурсийы рæстæг Дзæуджыхъæуы скъоладзаутæ алы дзаумамæ дæр кæсынц лæмыбнæгæй. Ныр сæм æфсады службæ зын нал кæсы. Десантникты цæдисы 58 æфсады 34-æм бригадимæ ахæм мадзæлттæ аразы алы къуыри. Скъоладзаутæн радзырдтой æфсадгæнæджы æрвылбоны царды тыхæй. Сæхи цæстытæй федтой «караульный городок», ома сæрмагонд бæстыхай куы арæзт у, уый. Радзырдтой ма сын æфсæддон традициты тыххæй. Федтой æфсадгæнджыты хæрæндон дæр. Бирæтæн ацы экскусри радта фадат фидæны дæсныйад равзарын. Мадзал амидингæнджыты ныхæстæм гæсгæ, сæйраг нысан – æфсадгæнæджы куысты уæз банкъарын. Экскурситæ нырма аразынц Дзæуджыхъæуы скъоладзаутæн. Фæлæ фидæны, гæнæн ис, æмæ сæм уазæгуаты цæудзысты районты скъоладзаутæ дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv