Пандемийæйы рæстæг Дзæуджыхъæуы сывæллæтты рæвдауæндæтты кусынц радон къордтæ

Пандемийæйы рæстæг Дзæуджыхъæуы сывæллæтты рæвдауæндæтты кусынц радон къордтæ. Исынц фондз азы кæуыл нæма сæххæст, ахæм сывæллæтты. Гом сты райсомы 7 сахатæй, изæры 7 сахатмæ. Сæ сывæллæтты дзы ныууадзæн ис пандемийæйы рæстæг кусгæ чи кæны, уыцы ныййарджытæн. Æрмæст сæ хъæуы сæ куысты бынат сбæлвырд кæнын æмæ эпидемиологон æвдисæндар равдисын. Рæвдауæндæтты алы райсом сывæллæттæн барынц сæ тæвд æмæ сын нæ рох кæнынц сæ къухтæ æхсын. Боны дæргъы медицинон хо кæсы сæ уавæрмæ. Алы æртæ сахатмæ уаттæ кæнынц дезинфекци. Къордтæ сарæзтой Битарты Вячеславы æмæ æнæниздзинад хъахъхъæныны министрады хъæппæрисæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv